MA`RUZA MATNLARINI SAQLASH   - KUTUBXONA - MA`RUZA MATNLARINI SAQLASH

                                                                    

TDAU TARIHI       HOZIRGI KUNDA       FAKULTETLAR       KUTUBXONA       SPORT       MA`LUMOTLAR UCHUN

Agrar universitetining kutubxonasi qishloq xo’jaligi ixtisosligidagi oliy o’quv yurtlari va ilmiy-tadqiqot muassasalari ichida eng yirigi hisoblanadi. U bosh o’quv binosiga galereya bilan birlashgan alohida ikki qavatli binoda joylashgan. Mazkur bino ikkinchi qavatda majlislar zalini joylashtirish uchun maxsus ravishda loyihalashtirilgan, birinchi qavatda va yerto’lada kutubxona joylashgan. Birinchi qavatda qiro`atxonalar, kutubxonaning xizmat va yordamchi xizmat xonalari, yerto’lada esa kitoblar ombori joylashgan. Kutubxonaning umumiy maydoni 897 m2. Kutubxona 4 ta qiro`atxonaga ega: ikkita talabalar uchun, bitta aspirant va magistrlar uchun, bittasi professor-o’qituvchilar tarkibi uchun. qiro`atxonalarning birida kompyuter xonasi mavjud bo’lib, unda Internet xalqaro axborot tizimiga qo’shilgan. O’qituvchilar, aspirantlar, magistrlar, talabalar Internet tarmog`i orqali eng yangi ilmiy yutuqlar haqida ma`lumotlar olishlari mumkin. Hozirgi vaqtda kutubxonaning kitob fondi 998 ming nusxadagi turli bosma taboqli o’zbek, rus va chet tillardagi nashrlarga, shu jumladan 420 mingdan ortiq nusxadagi darsliklar va o’quv qo’llanmalariga ega. Darsliklar va o’quv qo’llanmalari bilan ta`minlanganlik har bir talabaga, kunduzgi va sirtqi talabalarni inobatga olgan holda, 100 nusxaga yaqin. Kitob fondida ko’plab ajoyib kamyob kitoblar mavjud. Kutubxona xodimlari yetakchi o’qituvchilar bilan hamkorlikda doimiy ravishda o’quv adabiyotlarini yangilab borishadi. So’nggi uch yilda kutubxonaga 134 ming nusxadagi darsliklar va o’quv qo’llanmalari keltirildi. qiro`atxonalarda kitoblarni ochiqcha olish mumkin. Zarur ma`lumotni ham alifboli va muntazam katolog va kartotekalardan foydalangan holda olish mumkin. Kutubxona kutubxonalararo abonement xizmatidan foydalanadi. U mamlakatning barcha qishloq xo’jaligi oliy o’quv yurtlari bilan kitoblarni almashadi. Kutubxonadan 5 mingdan ortiq kitobxonlar foydalanadi, ularga har yili 70-80 ming nusxadagi kitoblar, jurnallar va gazetalar beriladi. Kutubxona bakalavriat talabalari, magistrlar, xodimlar, aspirantlar, professor-o’qituvchilar tarkibiga xizmatlar ko’rsatadi. Uning xizmatidan boshqa oliy o’quv yurtlari va ilmiy-tadqiqot muassasalarining xodimlari ham foydalanishadi. Kutubxonada to’rtta bo’lim mavjud: komplektlash, adabiyotlar bilan ishlash, ma`lumot-bibliografiya va kitobxonlarga xizmat ko’rsatish. Kutubxonada 20 dan ortiq xodim mehnat qiladi, ularning ko’pchiligi maxsus kutubxona ma`lumotiga ega. Komplektlash bo’limi nashriyotlar va kitob do’konlari bilan shartnoma asosida kitob fondining to’ldirilishini ta`minlaydi, agrar universitet o’qituvchilari tomonidan chop etiladigan darsliklar va o’quv qo’llanmalari, monografiyalar va boshqa adabiyotlarni xarid qilish bilan shug`ullanadi. So’nggi yillarda Rossiyada nashr qilingan ko’plab o’quv adabiyotlari sotib olinmoqda. Universitet kutubxonasi so’nggi yillarda ko’plab ilmiy-ishlab chiqarish jurnallariga obuna bo’lmoqda. 2001 yilda obuna bo’yicha Rossiyadan 24 xil jurnal va mamlakatimizda nashr qilinadigan 36 xil jurnalni olmoqda. Adabiyotlar xarid qilinganidan so’ng adabiyotlar bilan ishlash bo’limiga tushadi. Ushbu bo’limda ilmiy va texnik ishlanganidan keyin adabiyotlar kitobxonaga tushadi va kitobxonlarga xizmat ko’rsatish uchun foydalaniladi. Ma`lumot-bibliografiya bo’limi o’zbek va rus tillarida alifboli va muntazam katologlarni yuritadi. U kafedralarni muntazam ravishda yangi darsliklar va boshqa adabiyotlar kelib tushganligi haqida xabardor qilib turadi. Bo’lim har oyda bir marta “Axborot kuni”ni o’tkazadi. Kutubxona ijtimoiy-siyosiy, ilmiy, qishloq xo’jaligiga oid va badiiy adabiyotlarni, O’zbekiston Respublikasi Prezidentining nutqi va ma`ruzalarini muntazam ravishda tashviq qilib boradi. Talabalarni adabiyotlardan foydalanishga o’rgatish maqsadida birinchi kursda kutubxona xodimlari alifboli va muntazam kataloglardan foydalanish bo’yicha majburiy mashg`ulotlar o’tkazadi. Bakalavriatning qator yo’nalishlari va magistratura mutaxassisliklari uchun o’quv rejalarida talabaning xohishiga ko’ra “bibliografiya” o’quv fani mavjud. Bu talabalarga axborotlar katta oqimida tez orientirovka qilishga, zarur axborot manbasini to’g’ri tanlashga yordam beradi. Kutubxona ortiqcha adabiyot va ma`ruzalar matnlarini talabalarga 50 foiz arzonlashtirilgan narxlarda sotadi. Kutubxonaning mehnatsevar jamoasi universitet talabalari, aspirantlari, o’qituvchilari va xodimlariga yaxshi xizmat ko’rsatish, ularni zarur adabiyotlar bilan ta`minlash uchun barcha imkoniyatlarni ishga solib, kadrlar tayyorlash sifatini oshirishga o’z ulushini qo’shmoqda.