1 2 3 4 5 6 7  -  TDAU TARIHI  - 1 2 3 4 5 6 7

                                                                    

TDAU TARIHI       HOZIRGI KUNDA       FAKULTETLAR       KUTUBXONA       SPORT       MA`LUMOTLAR UCHUN

Shu bilan birgalikda, o’quv-moddiy bazani uzluksiz mustahkamlash, samarali bilim olish, ilmiy tadqiqotlar, talablarning yashashi va turmushi uchun zarur shart-sharoitlarni yaratish ma`muriyat hamda jamoaning doimiy e`tibor markazidadir. O’quv, ilmiy va uslubiy adabiyotlar jam`armasi muntazam yangilanib, laboratoriyalar ilmiy asbob-uskunalar bilan to’ldirilmoqda, o’quv jarayoni jadallashtirish va bilimlarni nazorat qilish vositalari, o’qitishning texnik vositalari va kompyuterlar bilan jihozlanayapti.   Oliy o’quv yurtida uch nafar xodimdan iborat o’qitishning texnik vositalari laboratoriyasi tashkil etilganidan so’ng, 1969 yilda uni ushbu vositalar bilan jihozlash boshlandi. O’sha paytda bilimlarni dasturiy nazorat qilishning birinchi sinfi o’rnatildi. 70-yillarning boshlarida birinchi lingofon xonasi montaj qilindi. Oliy o’quv yurtini o’qitishning texnik vositalari va elektron hisoblash texnikasi bilan jihozlash 70-yillarning ikkinchi yarmida boshlandi. 80-yillarda oliy o’quv yurtida kafedralarni elektron hisoblash mashinalari va kompyuterlar bilan jihozlash bo’yicha ko’plab ishlar amalga oshirildi.   80-yillarda o’quv binolari, yotoqxonalar, sport va sog`lomlashtirish inshoatlarini barpo etish jadal sur`atlarda olib borildi. Toshkent qishloq xo’jalik instituti tashkil etilganidan buyon, ya`ni 61 yil mobaynida 40368 nafar oliy ma`lumotli mutaxassis, shu jumladan kunduzgi bo’limda - 25631 nafar va ishlab chiqarishdan ajralmagan holda 14737 nafar mutaxassis tayyorladi. Shulardan agrokimyo va tuproqshunoslik mutaxassisligi bo’yicha 2284, agronomiya mutaxassisligi bo’yicha 12070, meva-sabzavotchilik hamda uzumchilik bo’yicha 4051, o’simliklar himoyasi bo’yicha 3233, pillachilik bo’yicha 3839, zootexnika bo’yicha 1448, o’rmon xo’jaligi bo’yicha 2335, iqtisodiyot va qishloq xo’jaligi ishlab chiqarishni tashkil etish bo’yicha 6009, qishloq xo’jaligida buxgalteriya hisobi bo’yicha 1875 nafar hamda 172 nafar biologiya va qishloq xo’jaligi asoslari o’qituvchisi tayyorlandi. Toshkent qishloq xo’jalik institutining Farg`ona filialida 1979-1987 yillarda 2431 nafar, shu jumladan agronomiya mutaxassisligi bo’yicha 640 nafar, zootexnika bo’yicha 526 nafar, iqtisodiyot va qishloq xo’jaligi ishlab chiqarishni tashkil etish bo’yicha 633 nafar, qishloq xo’jaligida buxgalteriya hisobi bo’yicha 631 nafar mutaxassis tayyorlandi.